Ангела Меркель 2021 жылы сайлауға қатыспайды
Пандемия кезінде халық арасында танымал болған Германияның Денсаулық сақтау министрі Йенс Шпан алдағы қыркүйекте өтетін Германия канцлері сайлауына қатыспақ ниетте, деп хабарлайды Politic Bild ақпарат көзіне сілтеме жасап.
2021 жылдың қыркүйегінде ГФР-де Бундестагқа сайлау өтеді. Германия канцлері Ангела Меркель бұл лауазымға үміткер болмайды.
Қаңтарда неміс консерваторларының - Христиан-демократиялық одақтың (ХДС) съезі өтеді. Онда партияның жаңа басшысы сайланады, ол Германия канцлерлеріне үміткер болады.
ХДС басшысы лауазымына ресми түрде үш адам үміткер: бизнес-лоббист Фридрих Мерц, Солтүстік Рейн-Вестфалия федералдық жерінің премьер-министрі Армин Лашет және Бундестагтың Халықаралық істер жөніндегі комитетінің басшысы Норберт Ретген.
Денсаулық сақтау министрлігінің басшысы соңғы апталарда партия өкілдерімен өзінің саяси мүмкіндіктерін талқылады. Bild және Spiegel басылымдарының хабарлауынша, Денсаулық сақтау министрлігінің басшысы бұдан былай партия басшысы лауазымы үшін күреске қатыса алмаса да, өзі үшін канцлер лауазымын қарастырады.